![\"Thanas-1-203x300\"](\"https:\/\/media.literatus.gr\/wp-content\/uploads\/Thanas-1-203x300-150x150.jpg\")
<\/p>\n<\/p>\n
Dr. Stavri J. DAJO<\/p>\n
Pata rastin t\u00eb lexoj librin e Thanas Medit \u201cFjala e fundit e Sokrat Bub\u00ebs\u201d, q\u00eb u laurua me \u00c7mimin Komb\u00ebtar t\u00eb Let\u00ebrsis\u00eb 2013. Librin e lexova jo nga k\u00ebrsh\u00ebria e \u00e7mimit, porse ngase \u00ebsht\u00eb romani i par\u00eb q\u00eb trajton nj\u00eb komunitet i cili deri m\u00eb sot mbetet mister p\u00ebr shoq\u00ebrin\u00eb civile shqiptare, pa identitet, pa p\u00ebrkat\u00ebsi, pa gjuh\u00eb t\u00eb institucionalizuar. N\u00eb disa raste dhe t\u00eb p\u00ebrfolur.
\nDhe u befasova si nga vlerat njoh\u00ebse, ashtu dhe nga brendia estetike e tij. Libri gjithashtu m\u00eb ka befasuar me karakteret e gjall\u00eb, (n\u00eb shum\u00eb raste t\u00eb kujtojn\u00eb proz\u00ebn e Mitrush Kutelit) me gjuh\u00ebn e pasur dhe me stilin elegant. P\u00ebr gjithk\u00ebnd ky komunitet i mistersh\u00ebm ishte nj\u00eb bashk\u00ebsi bukolik\u00ebsh romantik\u00eb q\u00eb jetonin n\u00eb nj\u00eb mjedis pa vese dhe lig\u00ebsi, n\u00eb nj\u00eb \u201cTok\u00eb t\u00eb Premtuar\u201d, larg qytet\u00ebrimit zhurm\u00ebmadh t\u00eb bot\u00ebs s\u00eb degraduar moderne. Por n\u00eb roman nd\u00ebrthuren t\u00eb gjitha cil\u00ebsit\u00eb q\u00eb kan\u00eb stigmatizuar shoq\u00ebrin\u00eb njer\u00ebzore q\u00eb n\u00eb krye t\u00eb her\u00ebs: dashuria dhe urrejtja, mir\u00ebsia dhe lig\u00ebsia, xhelozia dhe shpirti i d\u00eblir\u00eb, g\u00ebnjeshtra dhe e v\u00ebrteta, pabesia, tradhtia q\u00eb z\u00ebn\u00eb fill nga shoq\u00ebria parake dhe shoq\u00ebrojn\u00eb njeriun deri n\u00eb dit\u00ebt tona.
\nPavar\u00ebsisht se b\u00ebhet fjal\u00eb p\u00ebr nj\u00eb vep\u00ebr artistike, autori na jep t\u00eb dh\u00ebna me vler\u00eb historike, nj\u00eb kuad\u00ebr historik krejt t\u00eb panjohur t\u00eb shpirtit t\u00eb njer\u00ebzor t\u00eb vllah\u00ebve, duke shp\u00ebrndar\u00eb mitet dhe tisin e mjegull\u00ebs q\u00eb q\u00ebndron mbi ta, t\u00eb dh\u00ebna p\u00ebr protagonist\u00ebt e Voskopoj\u00ebs q\u00eb z\u00ebn\u00eb fill nga nj\u00eb \u201cgrusht kasollesh me kasht\u00eb\u201d, por q\u00eb m\u00eb von\u00eb u shnd\u00ebrrua n\u00eb nj\u00eb qytet t\u00eb zhvilluar, me institucione kishtare dhe manastire mesjetare, shkolla, akademi dhe nj\u00eb shtypshkronj\u00eb, e para e Perandoris\u00eb Osmane n\u00eb gjuh\u00ebn greke, me tregtar\u00eb, bankier\u00eb, arkitekt\u00eb, dijetar\u00eb t\u00eb zot\u00eb, q\u00eb lan\u00eb em\u00ebr t\u00eb madh n\u00eb histori dhe q\u00eb rr\u00ebzojn\u00eb enigm\u00ebn e nj\u00eb populli nomad, pa din e pa iman.
\nM\u00eb b\u00ebri p\u00ebrshtypjeje gjuha pasur, e puna, mjesht\u00ebrore e autorit, dialogu i gjall\u00eb, i personazheve, fjala bind\u00ebse e tij dhe mungesa totale e artificeve.
\nPlot\u00ebsisht i merituar \u00e7mimi i marr\u00eb! <\/p>\n","protected":false},"excerpt":{"rendered":"
Dr. Stavri J. DAJO Pata rastin t\u00eb lexoj librin e Thanas Medit \u201cFjala e fundit…<\/p>\n","protected":false},"author":3,"featured_media":0,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-715","post","type-post","status-publish","format-standard","hentry","category-6"],"yoast_head":"\n